TroffaĦamra - album launch "Weġgħat Żgħar"

TroffaĦamra, kantawtriċi Maltija li tgħix Barċellona, qed tippreżenta l-album il-ġdid tagħha, li jġib l-isem ta’ "Weġgħat Żgħar”, album b’mużika li tinstema` familjari imma b’elementi li ma tistenniex. Dan l-album ġie rrekordjat u prodott minn David Vella f’awwissu 2023 ġewwa t-Temple Studios u fih ikkollaboraw mużiċisti Maltin mill-aqwa. Il-kanzunetti, li huma kważi kollha bil-Malti, huma miktuba mill-ħarsa ta’ mara - u omm - li tgħix 'il bogħod minn pajjiżha, u jixtiequ jesprimu dawk il-weġgħat żgħar li dan kollu jġib miegħu. L-ambivalenza tal-maternità, il-mogħdija taż-żmien, id-distanza, il-firda u l-bidla, huma wħud mis-suġġetti li jesplora “Weġgħat Żgħar”.

It-tnedija ħa ssir fil-Blue Arena, fil-każin tal-blu Ħaż-Żabbar, fejn TroffaĦamra ħa ddoqq id-diski tal-album, akkumpanjata minn mużiċisti bravissimi. David Schembri, kantawtur u ħabib, ħa jiftaħ is-serata. Wara l-kunċert nieħdu drink u biċċa figolla fil-bar tal-każin (min irid iġib figolla biex naqsmu flimkien).

Mużiċisti: 

TroffaĦamra - vuċi u kitarra 

Żiżża - perkussjoni u ħsejjes 

Michael Galea - drums u perkussjoni 

Oliver Degabriele - baxx elettriku 

Mario Borg - sax tenur 

Javier Manzanares - kurunetta 

Fiorella Camilleri - flawt 

Mark Attard - keyboard 

Franco Tartaglia - kitarra elettrika 

Mariele Żammit - vuċi 

Justin Galea - vuċi

Ixtri l-biljetti minn hawn